Sesselja Traustadóttir var í viðtali í þættinum Sirrý á sunnudagsmorgnum. Hlustið endilega á það.
Safn fróðlegra eða athyglisverðra greina og frétta af netinu innlendis sem erlendis.
Notið bjölluna en reiknið ekki með að nokkur heyri
Umferð um hjóla- og göngustíga á höfuðborgarsvæðinu hefur þyngst til mikilla muna undanfarna daga, ekki síst fyrir tilstilli átaksins Hjólað í vinnuna. Eftir því sem næst verður komist hefur umferðin gengið að mestu stóráfallalaust þrátt fyrir að hjólafólki sem ferðast oft á 30-40 km hraða sé víðast ætlað að fara um sömu stíga og gangandi vegfarendum. Mörgum hefur þó eflaust reynst erfitt að átta sig á því hvaða umferðarreglur gilda á stígunum.
Öflugt og gott málgagn
Óhætt er að mæla með nýjasta eintaki Hjólhestsins, tímarits Fjallahjólaklúbbins, sem kom út á netinu í byrjun mánaðarins. Flestar greinar í blaðinu eru miðaðar við fólk sem er að byrja að nota hjól sem samgöngutæki eða er tiltölulega stutt á veg komið í þeirri vegferð. Sérstaklega má benda á grein um samgönguhjólreiðar sem fjallar um hvernig best er að hjóla úti í umferðinni, þ.e. á akbrautum en ekki á göngustígum.
Átakið Hjólað í vinnuna hafið!
Hjólað í vinnuna var ræst í Fjölskyldu- og húsdýragarðinum í morgun að viðstöddu fjölmenni. Hafsteinn Pálsson, formaður almenningsíþróttasviðs ÍSÍ bauð gesti velkomna en ávörp fluttu Ólafur Rafnsson, forseti ÍSÍ, Hanna Birna Kristjánsdóttir, borgarstjóri, Álfheiður Ingadóttir, heilbrigðisráðherra, Katrín Jakobsdóttir, mennta- og menningarmálaráðherra, Svandís Svavarsdóttir, umhverfisráðherra og Kristján Möller, samgönguráðherra.
Ekki hugsað fyrir hjólinu - mbl.is
Reiðhjól er það ökutæki sem hvað flestir eru gerðir ábyrgir fyrir, en samt er lítið gert af því að kenna fólki að umgangast hjólið. Þetta segir Sesselja Traustadóttir, sem kennt hefur nemendum í Álftamýrarskóla og Fossvogsskóla hjólafærni.
»Við byrjum á að kenna það sem ég kalla líffærafræði reiðhjólsins - hvað eru teinar, ventlar, gjörðin og svo framvegis. Síðan förum við yfir hjólastellið, fatnaðinn og stillum hjálmana.« Um 85% barna séu með illa stilltan hjálm sem geri í raun meira ógagn en gagn. »Bönd og festingar eru oft lélegar og þó hjálmurinn hafi verið stilltur að morgni hefur hann oft aflagast að kveldi.«
Bensínverðið ýtir undir hjólreiðar - mbl.is
Glóðvolg frétt úr Borgarstjórn : Hjólreiðaáætlun höfuðborgarsvæðis
Á Facebook sást orðróm um frábærar fréttir fyrir hjólreiðar á höfuðborgarsvæðinu.
Fjallabrun í Öskjuhlíð
Hjólastígakerfið í borginni tífaldað næsta áratuginn
Hjólreiðaáætlun til ársins 2020 samþykkt í borgarstjórn
UM 90 kílómetrar af hjólastígum verða lagðir í Reykjavík næstu tíu árin til viðbótar við þá tíu kílómetra sem fyrir eru, samkvæmt nýrri hjólreiðaáætlun sem samþykkt hefur verið í borgarstjórn. Þá tekur áætlunin einnig til þess hvernig hægt er að stuðla að auknum hjólreiðum í borginni með fræðslu og kynningu.
Reiðhjólalæknir ástandsskoðar fákana
Enginn annar en dr. Bæk var mættur við Norræna húsið í gær í tilefni af degi umhverfisins. Þar bauð hann fólki upp á þá þjónustu að skoða og votta reiðhjólin. Margir notfærðu sér þetta einstaka tækifæri til að láta hjólalækni líta á gripi sína og ástandsskoða, enda eins gott að allt sé í lagi þegar brunað er á hjóli um stræti borgarinnar.
Á 75 kílómetra hraða á ítölskum stálfáki - mbl.is
Í flestum öðrum löndum Vestur-Evrópu, þ.ám. í Færeyjum, er mikil hefð fyrir keppni á götuhjólum og þótt sú frægasta sé Tour de France skipta keppnirnar mörgum hundruðum. Hér á landi er lítil hefð fyrir götuhjólreiðum en hún er hægt og bítandi að festast í sessi.
Magnús Bergsson var gestur í morgunútvarpi Rásar 2
Magnús Bergsson var gestur í morgunútvarpi Rásar 2 26. apríl 2010 og ræddi þar um "dogg" þríhjólið sitt, samgönguhjólreiðar og aðstæður hjólafólks til að hjóla úr borginni.
Laugavegur opinn öllum nema bifreiðum
Hluta af Laugavegi og Skólavörðustíg ásamt Bankastræti verður breytt í göngugötur um helgina í tilefni af HönnunarMars 2010 stöðumælum verður umbreytt í gerviblóm
Bláfjallaævintýri fyrir nemendur á unglingastigi
Sesselja Traustadóttir kennari er áhugamaður um reiðhjólamenningu. Hún hefur skipulagt hópferðir með unglingum á vordögum upp í Bláfjöll og hlakkar mikið til. Hún býðst til að hjóla með 800 nemendur unglingadeilda og þegar hafa 200 skráð sig. {jathumbnail off}
Hvað er á seyði við Nauthólsveg
Árni Davíðssson bloggaði fyrir skemmstu um nýja nálgun við merkingar ætlaðir hjólreiðamönnum, sem hann uppgötvaði :
"Við hin nýja Nauthólsveg, sem áður hét Hlíðarfótur, er eitthvað skrítið á seyði sem ekki hefur sést á Íslandi áður. Þar eru merktar á veginn til og frá Valssvæðinu stöðvunarlínur fyrir reiðhjól sem ná fram fyrir stöðvunarlínur fyrir bíla."
Göngubrýnar yfir Hringbraut verðlaunaðar
Göngubrýrnar yfir Hringbraut í Reykjavík fengu Steinsteypuverðlaunin 2010 fyrir að vera bæði frumlegt og vandað mannvirki. Nú er bara spurning hvort hjólreiðamenn veiti þessum brúm verðlaun næst? {jathumbnail off}
Nýjar gerðir göngugatnamóta einstaklega óheppilegar fyrir hjólreiðafólk
Laugardaginn 14. maí, 2005 kvartaði Víkverji Morgunblaðsins yfir nýrri gerð gatnamóta. Ekki var tekið tillit til óska um bættar hjólaleiðir yfir gatnamót og nú 2010 eru þessar grindur farnar að hamla umferð hjólandi fólks um borgina.
Verum sýnileg í umferðinni
228. fundur Umferðarráðs haldinn þann 29. október 2009 hvetur alla vegfarendur til að vera eins sýnilegir í umferðinni og kostur er í skammdeginu. Umferðarráð bendir á að endurskinsmerki gagnast mjög vel í þessu skyni. Þau eru ódýr og einföld í notkun. Umferðarráð áréttar að sérhver sem er á ferð í rökkri eða myrkri og ber endurskin sést margfalt betur og fyrr en sá sem er án þess. Foreldrar og forráðamenn barna eru hvattir til að sjá til þess að þau séu sýnileg á leið sinni í skólann á morgnana og einnig þegar þau eru á ferð síðdegis eða að kvöldlagi.
Hlutdeild reiðhjóla á götum borgarinnar
Um þessar mundir búa ökumenn bifreiðar sínar undir veturinn og hjólreiðamenn huga að hjólum sínum en spáð er að hlutur reiðhjóla á götum borgarinnar eflist í vetur. Ný talning á hlutdeild bifreiða og reiðhjóla á völdum götum sýnir að hlutur reiðhjóla í Austurstræti er 11%, Suðurhlíð 10% og 6% á Bíldshöfða.
Drögum úr skutli og hvetjum börn til að hjóla
Sesselja Traustadóttir stjórnaði fjölmennustu hjólalest sem mynduð hefur verið á landinu þegar um 500 skólabörn hjóluðu milli skólanna í Grafarvogi. Tilgangurinn var að hvetja börnin til að hjóla sjálf milli staða og minnka skutl foreldranna.