Borgaryfirvöld í Stokkhólmi ræða nú um hvort heimila eigi hjólreiðamönnum að aka á móti rauðu ljósi og gegn umferð í einstefnugötum. Með þessu á að draga úr umferðarteppum og auðvelda 150.000 hjólreiðamönnum borgarinnar að komast á milli staða. Málið er umdeilt því sumir óttast að öryggi hjólreiðamanna sé teflt í hættu en aðrir benda á að flestir geri þetta hvort eð er og brjóti um leið lögin.
Safn fróðlegra eða athyglisverðra greina og frétta af netinu innlendis sem erlendis.
Hjólaborgin Reykjavík - Könnun á hjólaleiðum almennings
Tæplega níuhundruð ábendingar bárust í hjólakönnun Reykjavíkurborgar sem opnuð var í tilefni af átakinu „Hjólað í vinnuna“ í maí. 80% þeirra sem tóku þátt telja hjólaleið sína til og frá vinnu eða skóla vera örugga, 7% telja hana óörugga og 13% voru á báðum áttum. 85% svarenda voru karlar og 15 konur, þá voru 65% svarenda á aldursbilinu 25-44 ára.
Áratugur aðgerða í umferðaröryggismálum : Fjölgun hjólreiðamanna og bætt aðgengi lykill segir ECF
Í gær var haldið upp á upphaf Áratugs aðgerða í umferðaröryggismálum, e: Decade of Action for Road Safety. Engin getur verið ósamála því að það þurfi að gera meir til að draga úr mannfórnum í umferðinni. En eins og svo oft áður, þá eru menn ekki alveg sammála um leiðirnar. Evrópusamtök hjólreiðamanna, ECF, eru ánægð með margar af áherslunum sem yfirvöld og bílaklúbbar stinga upp á, en benda á að aukning í hjólreiðum sem kemur í stað ferðalaga á bilum sé ein af betri leiðunum til að draga úr hættu í umferðinni. Samtökin RoadPeace of Road Danger Reduction Forum á Bretlandi ganga lengur og benda á hvernig margt af því sem FIA hefur fengið WHO með í að velja sem lausnir, eru hlutir sem ganga ekki upp.
Hávaði frá bílum drepur. Hjólreiðar hluti af lausninni
Enn bætist við þá þekkingu sem undirstrikar að hjólreiðar til samgangna séu lausn við margs konar vanda.
Edinborg skipuleggur fyrir fólk
Borgarráð Edinborgar mun að öllum líkindum samþykkja á næstu dögum áætlun um breytingar á miðborginni, gera hana mannvænni og minnka umferð bifreiða. Áætlunin byggir meðal annars á ráðgjöf frá hinum þekktu Gehl Architects sem hafa stuðlað að djörfum breytingum víða, svo sem í stórborgunum Melbourne og New York.
Gps símar notaðir til að kortleggja hjólaleiðir
Í San Fransisco hafa borgaryfirvöld um skeið notað upplýsingar úr GPS símum til að kortleggja leiðir hjólreiðamanna í borginni. Upplýsingunum er safnð í samvinnu við hjólreiðamenn sem eiga iPhone eða Android síma og vilja taka þátt í verkefninu.
Samgöngumiðstöðvar fyrir hjólafólk
Í vaxandi mæli eru borgir víða um heim að leitast við að bæta aðstöðu hjólreiðafólks með ýmsum hætti og reyna þannig að stuðla að auknum hjólreiðum. Eitt sem víða vantar er góð aðstaða til að geyma reiðhjól. Hjólageymsluaðstaða við lestarstöðvar og aðrar miðstöðvar almenningssamgangna eru vel þekktar í mörgum evrópulöndum en nú fer þeim einnig fjölgandi í Bandarískum borgum. Í myndbandinu er lýst hvernig aðstaðan nýtist bæði þeim sem nýta sér almenningssamgöngur til að koma sér þangað og hjóla svo á nærliggjandi vinnustað, og líka þeim sem hjóla heiman frá sér, leggja hjólinu þarna og ganga síðan á nærliggjandi vinnustað.
Heimsins versta umferðarborgin horfir til reiðhjóla
Umferðin í Peking er þungbærari ökumönnum en í nokkurri annari borg samkvæmt nýlegri alþjóðlegri könnun. Þar er horft til reiðhjólsins til að létta á samgöngukerfinu með því að setja upp almenningshjólakerfi líkt og stórborgir hafa verið að innleiða undanfarin ár með góðum árangri. Önnur úrræði sem þarna eru nefnd eru veggjöld inn á ákveðin svæði í borginni og takmörk á heildarfjölda bifreiða hins opinbera. Í fréttinni er einnig nefnt að Sjanghæ borg takmarkar fjölda þeirra bifreiða sem fá skráningu og hefur gert síðan 1986. 20. nóvember voru t.d. boðin upp 8,500 skráningarleyfi og var meðalverðið um 800.000 kr. (45,291 yuan / $ 6,807)
Skýrsla um sjálfbæra þróun í samgöngum
Út er kominn skýrsla sem heitir „Skipulag á höfuðborgarsvæðinu - sjálfbær þróun í samgöngum - áfangaskýrsla október 2010“ (pdf 4,8 mb), eftir arkítektana Hörpu Stefánsdóttur og Hildigunni Haraldsdóttur. Hún fjallar um samgöngur hjólreiðamanna og gangandi vegfarenda en er hluti af stærra verkefni sem þær vinna að.
Harpa er nú í doktorsnámi í Noregi og vinnur að rannsókn á hjólreiðaumhverfi.
Lýðheilsan batnar í grænni Reykjavík
Ræðumenn á málþinginu Myndum borg voru sammála um að berjast fyrir grænni borg til að bæta lýðheilsu borgarbúa og gera borgina skemmtilegri. „Samgöngurnar eru sóknarfæri Reykvíkinga í grænu málunum, lýðheilsa eykst og umhverfið batnar,“ sagði Jón Gnarr borgarstjóri þegar hann setti málþingið á Samgönguviku og að Reykjavíkurborg yrði áfram í fararbroddi umhverfismála á Íslandi.
Þingmenn á fundahjóli
Þessi mynd var tekin á evrópsku Samgönguvikunni þar sem nokkrir þingmenn á þingi Evrópusambandsins hjóluðu um á þessu skemmtilega fundahjóli.
Einn þingmaðurinn lét þau orð falla að það þyrfti að gera ráð fyrir hjólaleiðum í fjárveitingum til samgöngumála innan Evrópusambandsins samkvæmt þessari frétt.
Hjólahraðbrautir í London
Það er mikill metnaður stjórnvalda í London að hvetja til hjólreiða með ýmsum hætti og ein mikilvæg leið er að bæta aðstæður og aðbúnað hjólreiðafólks. Það er fátt jafn hvetjandi og vel hönnuð hjólabraut sem bíður upp á öruggar, greiðar og skilvirkar leiðir. Þar í borg eru áform um fjölda hjólahraðbrauta eða eins og þau kalla þær Cycle Superhighways og hafa tvær slíkar þegar verið vígðar.
Almennings-hjólaleiga í London
Eftir viku verður vígð almennings-hjólaleiga í London. Það byggir á sömu hugmyndafræði og hefur reynst svo vel í nokkrum öðrum stórborgum eftir að Paris ruddi brautina með sínu Velib kerfi. Hér er skemmtilegt myndbandi sem sýnir hversu auðvelt þetta er í notkun hvort sem fólk er búið að kaupa sér aðgangskort eða notar sín greiðslukort.
Öruggari flutningabílar
Í Danmörku hefur ný gerð flutningabíla verið í notkun í eitt ár. Bílarnir eru taldir draga úr líkum á svokölluðum hægribeygjuóhöppum en í þeim aka menn, sérstaklega ökumenn stórra bíla, til hægri í veg fyrir hjólreiðamann.
30 KÍLÓMETRAR AF HJÓLASTÍGUM Á NÆSTU 3 ÁRUM Í REYKJAVÍK
Umhverfis- og samgönguráð samþykkti í dag, 25. maí, drög að aðgerðaáætlun til næstu þriggja ára 2011-2014 um hjólaleiðir í borginni. Þar kemur fram að tíu kílómetrum verður árlega bætt við núverandi hjólaleiðir í Reykjavík, að hraðbraut fyrir hjól verði lögð milli Laugardals og miðborgar og brú gerð fyrir hjólandi og gangandi yfir Elliðaárósa yfir í Grafarvog.á
Sjá nánar:
http://www.reykjavik.is/DesktopDefault.aspx/tabid-757/521_read-21732/
Kaupmannahafnarborg spyr hjólreiðamenn
Kaupmannahafnarborg hefur nú sett upp heimasíðu til að hjólreiðamenn geti sent vísbendingar um það sem gæti eyðilagt goðan hjólreiðatúr.
Københavns kommune spørger cyklisterneKøbenhavns Kommune har lavet en hjemmeside, hvor københavnere kan give kommunen et praj om småting, der dagligt kan spolere en i øvrigt god cykeltur.
Danir vara við hliðarvegum
Danir mála nú aðvörunarmerki á götur til að hvetja öku- og hjólreiðamenn til að hafa auga með hvor öðrum á hliðarvegum en 40% slysa verða á minni gatnamótum.
Hjólreiðaáætlun fyrir höfuðborgarsvæðið
Borgarstjórn samþykkti á fundi sínum á þriðjudag sl. tillögu Samfylkingarinar um að Reykjavík hefði forystu um gerð heildstæðrar hjólreiðaáætlunar fyrir höfuðborgarsvæðið. Hún yrði unnin í samvinnu við önnur sveitarfélög og vegagerðina. Með áætluninni yrði stefnt að því að stórefla möguleika á notkun reiðhjóla á svæðinu með gerð hjólreiðastígakerfis um allt höfuðborgarsvæðið þar sem hjólreiðar eru hugsaðar sem fullgildur samgöngumáti innan svæðisins. Gerð heildstæðrar hjólreiðaáætlunar sem tæki til allra þátta sem máli skipta við að auka notkun reiðhjóla er mikilvægt skref í átt til þeirrar framtíðarsýnar.
Samgöngusamningar hvetja til vistvæns samgöngumáta
Samgöngu- og sveitarstjórnarráðherra og nokkrir starfsmenn ráðuneytisins skrifuðu í dag undir fyrstu samgöngusamningana sem ráðuneytið gerir við starfsmenn sína. Tilgangur þeirra er að hvetja til vistvæns samgöngumáta starfsmanna.
Kristján L. Möller, samgöngu- og sveitarstjórnarráðherra, skrifaði undir fyrstu sex samningana og fleiri munu sigla í kjölfarið. Ráðherrann sagði við það tækifæri að með þessu væri ráðuneytið að leggja áherslu á að vera öðrum vinnustöðum fyrirmynd á þessu sviði.
Leit að hinum fullkomna hjólastíg í Danmörku
Danir leita nú að hinum fullkomna hjólastíg. Stofnuð hefur verið dómnefnd sem tekur við tillögum.
Sjá nánar.