Fjöldi stórborga hafa innleitt hjólaleigukerfi fyrir almenning og setja þau hjól sterkan svip á borgir eins og London og París. Hinn heimsfrægi hönnuður Philippe Starck var fenginn til samstarfs þegar hanna átti nýtt hjól fyrir fyrirhugað almenningshjólakerfi Bordeaux í Frakklandi.
Útkoman var óvenjulegt reiðhjól sem einnig má nota sem hlaupahjól þegar þarf að fara hægt yfir svo sem í göngugötum. Það er einnig með innbyggðum bögglabera, rafal í nafi fyrir ljósabúnað og gul dekk í yfirstærð gefa hjólinu skemmtilegt yfirbragð.
Eitthvað hefur verið spáð í möguleikana á að setja upp almenningshjólakerfi í Reykjavík en ekki kom fram hvernig reiðhjólin sjálf ættu að vera.
Sjá nánar um Pibal hjólið hér: French Public Transport Plan Yields Bicycle + Scooter Hybrid
Le Pibal, vélo urbain idéal by villedebordeaux