Það er víða verið að hvetja fólk til að hjóla til vinnu enda græða allir á því. Bresk stjórnvöld eru með athyglisvert verkefni sem hvetur atvinnuveitendur til að bjóða starfsfólki sem hjólar til vinnu upp á góða aðstöðu.

Í Fredriksstad í Noregi hefur verið ákveðið að gera vel við gesti sem mæta á reiðhjóli, og þurfa þeir að borga sem nemur um 200 krónur minna en aðrir til að horfa á kvikmynd.

Það voru hjólreiðamenn og konur á öllum aldri sem felldu hverja spjör og hjóluðu um nakin í Melbourne í Ástralíu á sunnudaginn. 

Danir hafa ýtt úr vör nýju loftslagsátaki - Challenge 16 - í tengslum við næsta fund Sameinuðu þjóðanna í loftslagsmálum sem haldinn verður í Mexíkó í árslok. Fyrir hverja 16 hjólreiðamenn sem skrá sig til leiks verður sett niður eitt tré og ættu Danir með góðri þátttöku
þjóðarinnar að vera komnir með álitlegan hjólaskóg í haust. Átakið hófst í gær og stendur til 16. nóvember. {jathumbnail off}

Í þessu myndbandi er hjólaborgin Rotterdam kynnt í jákvæðu ljósi. Takið eftir að þarna er sleppt öllum hræðsluáróðri og prédikunum enda er slíkt síst til þess fallið að hvetja til hjólreiða. {jathumbnail off}

Það eru ýmsar lausnir sem koma til greina til að auðvelda hjólreiðafólki að komast leiðar sinnar um bílaborgir og hér er búið að safna nokkrum skemmtilegum leiðum. Munich myndin sýnir reyndar lausn með mörgum földum hættum og Manchester myndin er dæmi um hluti sem best er að sleppa. Hinar sýna ýmsar lausnir sem gagnast betur og þannig lausnir virka mjög hvetjandi á fólk til að prófa hjólið sem farartæki.

Jákvæðu atriðin selja hjólreiðar en ekki tal um öryggisbúnað. Þetta vita bílaframleiðendur enda reyna þeir ekki að selja bílahjálma með bílunum þó ökumönnum sé síst minni hætta búin en öðrum í umferðinni. {jathumbnail off}

Átak til að auka hjólreiðar kvenna með hjólalest. Ekki skemmir að farið um um nýjar hindunarlausar leiðir kostaðar bæði af ríki og borg í fylgd lögreglu.