Stjórnvöld um allan heim eru að átta sig á ótvíræðum kostum aukinna hjólreiða og reyna ýmislegt til að auka þær. Til dæmis geta þeir sem ekki eiga reiðhjól en langar að prófa það í eins og einn mánuð fengið lánað reiðhjól ásamt reiðhjólahjálmi, lási og endurskynsvesti og það bara fyrir 10 breskt pund eðar tæpar 2000 kr. Það er jafnvel hægt að fá ljós á hjólið eða barnastól ef þannig stendur á.
Safn frétta og greina úr ýmsum áttum sem tengjast hjólamenningu, hjólafólki og þeim útbúnaði sem það notar.
Derhúfur og fransbrauð
Hjólamenningin blómstar um allan heim og allskyns hjólahátíðir eru haldnar. Í maí héldu frakkar sjöttu Ride Beret Baguette hátíðina sem stóð yfir í tvo daga og eitthvað um þúsund manns tóku þátt. Kannski má útleggja þetta Derhúfur og fransbrauð - hvað er franskara en það?
Í ár var þema: Sumarfrí 1936 og klæddust þáttakendur í þeim anda og gleðin var við völd eins og sjá má á þessu skemmtilega myndbandi:
.
RBB Ride Béret Baguette 2014 from Benjamin Donadieu on Vimeo.
Hér er heimasíða RBB: http://www.beret-baguette.fr/
Þar má sjá myndir, umfjöllun og myndbönd frá fyrri hjólahátíðum.
Reifreið á menningarnótt?
Það skapast oft mikil og góð hjólamenning í borgum þar sem gott er að hjóla eins og sannaðist í Vancouver um síðustu helgi. Þá var haldið hið árlega Bikerave þar sem þúsundir söfnuðust saman á hjólunum sínum, skrautlega klætt og með enn skrautlegri hjól. Allir voru hvattir til að hlaða ljósum á hjólin sín, glóstautar, hjólaljós og hvaðeina sem blikkaði og glansaði og þarna fengu handlagnir einstakt tækifæri til að sýna færni sýna í ljósahönnun.
Hjóladagur í Breiðholti laugardaginn 7. sept.
Hjóladagur í Breiðholti verður haldinn laugardaginn 7. september nk. Fólk á öllum aldri er hvatt til að fjölmenna í Breiðholtið með hjólhesta sína og eiga góðan dag. Það eru Íbúasamtökin Betra Breiðholt sem standa fyrir viðburðinum.
Tweed Ride Akureyri 31. ágúst
Árið 2012 var fyrsti Tweed Ride viðburðurinn haldinn í Reykjavík. Forskriftin kom frá samskonar viðburði sem haldinn var í London þrem árum fyrr og hefur verið að breiðast út um allan heim. Þessi viðburður átti að gera fólki kleift að hittast og njóta þess að hjóla saman um miðbæ Reykjavíkur í skemmtilegri hópreið. Þátttakendur voru hvattir til að koma í glæsilegum fötum, helst í anda 5. og 6. áratugs síðustu aldar og hjóla saman í rólegheitum, njóta borgarinnar, samverunnar, menningar og fallegs útsýnis.
Ferðast um landið í strætó með hjól
Strætó hefur nú sett upp hjólagrindur aftan á vagna á langferðaleiðum. Net almenningssamgangna um Ísland er að þéttast og mikil aukning er í notkun strætó milli landshluta, enda sjá margir sér hag í að spara eldsneytiskostnað með fjölbreyttari ferðamáta.
Uppgangur í hjólaleigum
Það hefur verið mikill uppgangur í hjólaleigum líkt og öðru tengdu hjólreiðum. Í nýja hjólaþjónustukortinu má sjá fjölda aðila en þessar tvær fréttir vöktu athygli okkar.
Samgöngusvið auglýsir frelsi
Þessar myndir eru úr skemmtilegri auglýsingaherferð samgöngusviðs Lundúnaborgar, Transport for London. Þær sýna okkur nokkur af þeim ótal mörgu atriðum sem hjólreiðar standa fyrir, s.s. þær gefa okkur frelsi, tækifæri til að eiga tíma með fjölskyldunni, þær eru auðveldar og skemmtilegar.