Hún Sirrý sem hefur jákvæðnina að leiðarljósi í þáttum sínum á sunnudagsmorgnum fékk Dr. BÆK í heimasókn til sín í þáttinn 25. júlí 2010. Þar komu og sátu fyrir svörum í símatíma Sesselja Traustadóttir, verkefnastýra Hjólafærni á Íslandi og Fjölnir Björgvinsson, formaður Íslenska fjallahjólaklúbbsins .

Heimsókn frá Dr. BÆK er hægt að panta hjá Sesselju á vefnum hjólafærni.is. Myndin birtist í Morgunblaðinu þegar dr. BÆK mætti við Norræna húsið í tilefni af degi umhverfisins en á henni er Árni Davíðsson formaður LHM með Sesselju.

Þáttinn má hlusta á hér í heild sinni eða það má færa bendilinn undir síðustu stafina í "sjónvarpsfréttir" fyrir ofan til að lenda á þessum hluta þáttarins. Ef þið fáið ekkert hljóð til að spilast má benda á að vefur RÚV virkar betur í Internet Explorer en sumum öðrum vöfrum.