Nú er vinsælt hjá ástríðufullum hjólreiðamönnum að taka upp ferðir sínar og birta á vefnum myndskeið af ýmsum uppákomum. Sumir skrá jafnvel niður hraða hjólsins og varpa inn á myndbandið. Þá vantar kannski bara að skrá hversu vel bílarnir viku fyrir viðkomandi en tæki sem skrá slíkt eru ekki jafn aðgengileg og myndavélar.
Það eru mun betri aðferðir til að skrásetja slíkt en að hjóla um með risa reglustriku eins og í myndinni hér fyrir ofan. Dr. Ian Walker smíðaði slíkt tæki með nokkrum nokkuð stöðluðum hlutum til að nota við rannsóknir sínar á umferðaröryggi. Á heimasíðu sinni birtir hann leiðbeiningar fyrir aðra sem vilja setja tækið saman ásamt tilheyrandi hugbúnaði. Tækið er búið lítilli Arduino tölvu og notar hátíðnihljóðmerki til að mæla fjarlægðina.
Það væri fróðlegt að sjá hversu vel Íslendingar víkja fyrir hjólandi umferð við mismunandi aðstæður.
Endilega látið okkur vita ef einhver er til í að setja svona tæki saman.
Fjarlægðar skrásetningartæki: http://drianwalker.com/overtaking/buildasensor.html