Nýlagður göngustígur í Garðahrauni opnar leið fólks uppí Urriðaholt, þar með talið í Kauptúnið og í Heiðmörkina. Göngustígurinn er malbikaður og með lýsingu.
Lagður í atvinnubótavinnu árið 1918
Atvinnubótastígurinn er um 8 metrar á breidd, með vönduðum hleðslum yfir hraungjótur. Varðveist hafa af honum um 420 lengdarmetrar í Garðahrauni en upphaflega átti hann að liggja frá Suðurlandsbraut í Reykjavík að Lækjargötu í Hafnarfirði. Vinna við stíginn hófst 1. febrúar 1918 en haustið áður ákvað ríkisstjórnin að veita sveitastjórnum dýrtíðarlán til að ráðast í framkvæmdir svo að hægt væri að ráða atvinnulausa fjölskyldumenn í vinnu. Vegurinn átti að vera 7 metra breiður þannig að hægt væri að leggja járnbrautarteina á eystri hluta hans en vestari hlutinn var ætlaður almennri umferð ökutækja og reiðmanna. Vegurinn var aldrei kláraður enda tóku önnur verkefni við þegar atvinnulífið tók aftur að glæðast.
Saga Atvinnubótastígsins er rakin á vef Hraunavina.
Timburpallurinn/brúin sem liggur yfir Atvinnubótastíginn.
Uppruni: Frétt birt á vef Garðabæjar 30.11.2011.
Með þessum stíg batnar leiðin í IKEA og aðrar verslanir í Kauptúni í Garðabæ og að Náttúrufræðistofnun í Urriðaholti. Þá er hægt að komast eftir þessari leið upp í Heiðmörk.
Á þessari loftmynd á Já.is sést Hafnarfjarðarhraunið sem stígurinn liggur um en ekki er búið að teikna nýja stíginn á hann. Hann liggur frá göngustígnum í gegnum hraunið að brúnni yfir Reykjanesbraut.
{jathumbnail off}