Reykjavíkurborg stendur fyrir skemmtilegri ljósmyndakeppni í tilefni Samgönguviku - PG:
Samgönguvika hefst í dag og af því tilefni verður efnt til ljósmyndasamkeppni sem nefnist ,,Ég hjóla". Samkeppnin fer fram á Facebook og geta allir tekið þátt. Líkaðu við (lækaðu) síðuna okkar á Facebook deildu mynd(um) af þér og hjólinu þínu á vegginn okkar og þú gætir unnið glæsilegt reiðhjól, árskort í sund og/eða árskort í strætó.
Tekið er við myndum í keppnina á meðan á Samgönguviku í Reykjavík stendur (til kl. 23.59 fimmtudaginn 22. september). Myndir sem berast eftir þann tíma eru ekki gjaldgengar í keppnina. Sú mynd sem hefur fengið flest "líkar við" kl. 16.00 þriðjudaginn 27. september ber sigur úr býtum.
1. verðlaun - reiðhjól að verðmæti 100.000 kr. frá reiðhjólaversluninni Erninum, árskort í sundlaugar ÍTR og árskort í strætó.
2. verðlaun - árskort í sundlaugar ÍTR og árskort í strætó.
3. verðlaun - árskort í sundlaugar ÍTR og árskort í strætó.
Fyrst þarftu að "Líka við" síðuna svo smellir þú á "Mynd" efst á veggnum okkar, velur þar "Hlaða inn mynd", finnur svo myndina í tölvunni þinni, segir jafnvel eitthvað um myndina og smeillir á "Deila".
Uppruni: http://reykjavik.is/desktopdefault.aspx/tabid-757/521_read-28142/
Mynd: © Páll Guðjónsson