Innanríkisráðuneytið og Vegagerðin héldu málþing 20. mars 2013 um samgöngumál og almenningssamgöngur. Þar velti m.a. Þorsteinn R. Hermannsson, samgönguverkfræðingur hjá Mannviti upp í sínu erindi spurningunni „Samgöngustefna fyrirtækja: Hvað er hún og hverju skilar hún?“. Varðandi hjólreiðar kynnti hann afar athyglisverða útreikninga:

• Áætlað er að hjólreiðar skili sparnaði í heilbrigðiskerfi og vinnutapi. Auk þess að fækka fjarvistardögum frá vinnu þá lengist ævi íbúa og tíðni langvarandi sjúkdóma minnkar [Kaupmannahöfn, 2007].
• Hollensk rannsókn sýndi að „regular cyclists“ tóku 7,4 veikindadaga á ári en „non-cyclists“ tóku 8,7 [Hendriksen et al, 2010].
• Einfalt dæmi fyrir höfuðborgarsvæðið úr reiknivél WHO: (10% starfandi einstaklinga hjóla til vinnu 6 mánuði á ári)
  • Lífslíkur þeirra sem hjóla aukast verulega. Á hverju ári koma heilsufarsáhrifin í veg fyrir 5,24 dauðsföll á höfuðborgarsvæðinu.
  • Á 10 árum er áætlaður heilsufarsávinningur alls um 10,3 ma. kr á núvirði, að meðaltali um 1 ma. kr. á ári.*
  • *Standard value of statistical life 1,5 millj. EUR and 5% discount rate for future benefits.

Glærur með fyrirlestrinum má skoða hér:
Samgöngustefna fyrirtækja: Hvað er hún og hverju skilar hún? Þorsteinn R. Hermannsson, samgönguverkfræðingur hjá Mannviti

Umfjöllun Innanríkisráðuneytisins um ráðstefnuna má lesa hér:
Efling almenningssamgangna ekki aðeins skynsamleg heldur nauðsynleg

Samantekt LHM um kosti samgöngusamninga og uppkast að samgöngusamning:
Samantekt Landssamtaka hjólreiðamanna um gerð samgöngusamninga.