Á Menningarnótt,  21.ágúst 2010 verður hjólað í fjörugri hjólalest frá Klambratúni niður að miðborginni. Þetta er innblásið af World Naked Bike Ride hreyfingunni, og er lífleg og jákvæð leið til að draga athuyglui að jákvæðum þáttum hjólreiða, og að það þurfi að gera betur þannig að fleiri  þora að hjóla, og fá þannig einstakt tækifæri til að efla heilsu og stórminnka umhverfisáhrif af sínum samgöngum.  

(English below) Sem sagt ... Kl. 15:00 á Menningarnótt í Reykjavík munu glaðir hjólakappar hittast á miðju Klambrattúnni/Miklatúni og rúlla þaðan saman á reiðhjólum sínum um bæinn.

Allir eru velkomnir, látið orðið berast til vina og vandamanna!

Hér má sjá myndband af hjólaumferðinni á gatnamótum í Utrecht í Hollandi. Takið eftir hvað allt gengur vel fyrir sig þrátt fyrir að leiðir skerist.

Hvað er flottara til að skreyta heimilð en reiðhjól? Hér er fjallað um innanhúshönnun og hvernig má nota reiðhjól á ýmsan hátt sem stofustáss.

Dr. Gunni bloggar um ýmislegt og einn liður þar er "Úr glat kistunni" þar sem hann rifjaði upp lag með hljómsveitinni Hjólið frá Akureyri. Þar má sjá frétt um hljómsveitina frá 1976, lesa texta við lagið Hjólið og hlusta á það.

Það er gaman að ferðast um á reiðhjóli. Don Wilson, 65 ára, hjólar á hverju vori 320km leið í Louisiana. Slíkar ferðir eru vinsælar eins og lesa má í þessari grein úr The Sydney Morning Herald.

Norðmenn óðir í að keppa á reiðhjólum

Það eru fleiri en 12.000 sem hafa skráð sér til þáttöku í hjólreiðakeppninni sem litur út fyri að verða fjölmennasti keppnin í Noregi í sumar. Reyndar treysta mótshaldarar sér ekki til að hleypa fleiri en 10.000 að, og hafa um 2000 á biðlista.

Í Portland í Bandaríkjunum er árleg hópreið hjólamanna sem klæða sig í tweet fatnað. Hver segir að ekki sé hægt að hjóla nema í sérhönnuðum hjólafatnaði? Þau eru glæsileg á þessum myndum og kíkið á myndbandið líka.