Systursamtök okkar í Englandi CTC standa fyrir fjölbreittri starfsemi og er eitt verkefnið kennt við Hjólameistara, Cycle Champions. Þar er leitast við að efla heilsu og hreysti þjóðarinnar meðal annars með því að kynna hjólreiðar fyrir hópum sem býr við ýmiskonar fötlun og hefur farið á mis við heilsuávinning hjólreiða og þá gleði sem þær færa fólki.

Hér er myndband sem sýnir hóp keppa á alls kyns hjólum sem henta fötlun hvers og eins og ánægjan skín af hverju andliti.

Berlín er meira en bara hjólabúð, hún selur í raun lífsstíl. „Við vildum kynna nýjan lífsmáta fyrir Íslendingum. Megin hugmyndin er að fólk einbeiti sér að áfangastaðnum frekar en hvernig þú komist þangað. Val þitt á fararmáta á ekki að hafa áhrif á klæðaval.“
„Við vildum sýna fólki að það má hjóla um borgina í tískuklæðnaði og eða hversdagsfatnaði. Spandex er óþarft.“

19.09.2012. Í dag klukkan þrjú verður ný hjólaþrautabraut opnuð í Öskjuhlíð. Um er að ræða ,,pumpu-braut“ (,,Pump Track“) sem farin er með sérstakri tækni og notuð til þjálfunar og leikja. Félagar í hjólreiðafélaginu Tindi eiga heiðurinn af lagningu brautarinnar og hafa unnið hana í samvinnu við Reykjavíkurborg sem leggur til svæðið. Opnun brautarinnar liður í dagskrá Samgönguviku sem nú stendur yfir. Brautin er staðsett við Nauthólsveg norðan við Háskólann í Reykjavík.

Ánæguleg frétt af vef Menntaskólans í Kópavogi:

Nú, þegar nemendur og kennarar njóta flestir sumarfrísins og liggja sjálfsagt margir sólbrenndir við ókunna strönd, er enn nokkur starfsemi í gangi í MK. Undirbúningur fyrir haustið er þegar hafinn og má sem dæmi nefna að settar hafa verið upp hjólagrindur umhverfis skólann. Þessi breyting er í anda hugmyndarinnar um að MK sé heilsuskóli og ætti að auka öryggistilfinningu og ánægju allra þeirra sem kjósa hjólreiðar fram yfir bílinn.

Þann 16. júni næstkomandi er fyrirhuguð hópreið fólks um Reykjavík þar sem allir hjóla um í sínu fínasta pússi og helst úr tweed efnum að erlendum sið. Fyrirhugað er að hjóla um miðbæ Reykjavíkur og enda í síðdegishressingu í breskum anda. Verðlaun verða veitt fyrir best klædda herran og dömuna sem og fyrir glæsilegasta fararskjótan. Herrar og dömur Reykjavíkur eru hvött til að fara í tweed jakkana og draktirnar eða annan álíka klassískan fatnað, mæta í hjólreiðaförina í sumar og ljá borginni fagurt og glæsilegt yfirbragð. Skráning og nánari upplýsingar eru á heimasíðunni og á Facebook. 

Ef þið viljið stíga græna skrefið alla leið er hér frumleg hugmynd að grasagarði á hjólið. Loksins eru líka not fyrir gömlu hálfónýtu sokkana sem stundum safnast upp hjá fólki.

Lesið bloggfærslur hennar Meghan þar sem hún fer yfir reynslu sína: 2010 bloggaði hún um grænu hjólabyltinguna og 2011 um hjóla-sokkagarðinn. Kannski hentar tempraða veðrið á Íslandi vel til að rækta sinn garð á hjólinu.