Nú vita sumir en aðrir ekki að verið hefur undanfarna mánuði lagt mikla vinnu í að koma á hjólreiðasvæði í Skálafelli, en það er algjörlega vannýtt svæði sem er fullkomið í svokallað "bikepark", fyrirbæri sem er að verða æ vinsælla í evrópu og restinni af heiminum.
Þetta er allt að smella en eins og með svo margt annað þá veltur þetta allt á þeim sem stunda þetta, fólkinu sem hefur áhuga á þessu og vill leggja sitt af mörkum til að virkja hjólreiðasamfélagið á Íslandi. Það getur enginn neitað því að svæði eins og þetta væri algjör draumur ef þetta kæmist í framkvæmd.
Um er að ræða svæði þar sem áhugamenn og konur um fjallabrun, freeride, dirt jump og jafnvel (loksins loksins) 4-cross, geta stundað þessa frábæru íþrótt á mun skemmtilegri hátt en áður, en það vita flestir að okkur bráðvantar fleiri svæði til að geta leikið okkur í.
Þessi frétt er ætluð sem kynning á þessarri áætlun, og vona ég að þetta vekji menn til umhugsunar og áhuga um þetta mál. Meðfylgjandi er skýrsla sem fjallar ítarlega og bara rosalega vel um málið og viðauki við hana sem gerður var á dögunum.
Ég hvet alla til að lesa þetta í gegn, þetta er frábær lesning fyrir alla metnaðarfulla hjólara !!
Skýrslan sjálf á PDF-formi
Viðaukinn við skýrsluna, fjallar einkum um brunbrautir
Hægri smellið svo til að vista þetta!
Ingvar Ómarsson
Frétt af hjólandi.net: http://hjolandi.net/index.php?p=news&a=54
