Að frátöldum ljósunum við Sæbrautina eru umferðarljósin fyrir reiðhjólin á hinni nýju leið tímastillt. Þau virka eins og önnur umferðarljós, en í útliti skera þau sig úr þar sem efst trónir hvítt reiðhjólamerki í bláu gleri og logar það stöðugt í þeim tilgangi að vekja athygli hjólreiðafólks.
Umferðarljósin verða eins og áður segir á sex stöðum og tengjast þau ljósastýringu umferðar í nágrenninu sem og miðlægri stýringu umferðarljósa og eftirlitskerfi. Ljós við Engjaveg og Katrínartún eru þegar komin upp og hafa verið gangsett. Þá verða umferðarljós fyrir reiðhjól einnig sett upp þar sem hjólastígurinn nýi þverar Nóatún, Kringlumýrarbraut og Reykjaveg.
