Tweed Ride Reykjavík byrjaði með stæl 2013 þegar farin var mikil skrúðreið á klassískum hjólum með prúðbúnu fólki sem hjólaði um í miðborg Reykjavíkur. Þessir viðburðir hafa verið árlega í kringum mánaðamótin maí júní síðan. Þetta árið verður hjólað 3. júní frá Hallgrímskirkju að vanda:
"Vertu með okkur þann 3.júní er við klæðum okkur upp og hjólum á fallegum hjólum um miðbæ Reykjavíkur. Allir eru velkomnir að taka þátt.
Árið 2009 tóku reiðhjólaáhugamenn í London sig saman og stóðu fyrir hóphjólreiðum í borginni. Þessi atburður var þó ekki bara að koma saman og hjóla, heldur klæddu þáttakendur sig í klassísk föt og draktir í anda breskra hefðamanna og –kvenna. Hjólin sem hjólað var á voru á sama hátt klassísk og virðuleg borgarhjól.
Í stuttu máli sagt, þá er þetta stórskemmtilegur viðburður og vekur alltaf athygli.
Dagskrá:
Við hittumst fyrir framan Hallgrímskirkjun klukkan 14:00 og afhendum númer til þeirra sem náðu ekki að sækja það fyrir 3.júní.
Myndartaka klukkan 14:45 og svo leggjum við af stað.
Við byrjum á því að hjóla í svona 30-40 mínútur og stoppum svo til að fá okkur hressingu. Eftir hlé förum við aftur af stað og hjólum í 30-40 mínútur. Fáum okkur aftur hressingu og þátttakendur kjósa fallegasta hjólið, bezt klæddi herramaðurinn og bezt klædda daman.
Endum svo daginn á því að fara og fá okkur eitthvað gott að borða.
Skráðu þig og vertu með!"
Nánari upplýsingar á tweedride.is og á Facebook viðburðinum: Tweed Ride 2023
Skoðið líka myndir frá fyrri viðburðum sem Páll Guðjónsson hefur tekið og birt á vefnum Hjólreiðar.is
