Fyrirhugað er að frumvarp að nýjum umferðarlögum verði lagt fram á Alþingi á árinu. LHM mun senda umsögn um þau og gera athugasemdir líkt og undanfarin ár. Við viljum heyra skoðanir hjólandi á lögunum og ræða þetta óformlega á opnum fundi þriðjudaginn 30. janúar. Allir velkomnir.
Helstu athugasemdir frá LHM snúa að atriðum sem;
- Hefta aðgengi að hjólreiðum
- Hefta aðgengi að vegakerfinu
- Mótmæla tilraunum til að láta endurskilgreina hugtakið reiðhjól
Helstu kröfur hafa snúið að:
- -Frjálsu vali á klæðaburði óháð vali á fararmáta
- -Frjálsu vali á þeim leiðum sem fólk telur öruggast
- -Að nútíma aðbúnaður eins og hjólastígar og -reinar séu skilgreind í umferðarlögum og lögum um merkingar vega.
Og ekki síst að ekki á að færa í lög atriði sem hefta frelsi einstaklinga að óþörfu og án haldbærs rökstuðnings.
Fyrri umsagnir LHM má lesa í skjalasafni LHM
Fundurinn verður haldinn þriðjudaginn 30. janúar í húsnæði ÍSÍ við Engjaveg 6, í sal C á þriðju hæð.
Fundurinn byrjar kl. 19 og áætlað að hann standi yfir í tvo tíma. Boðið verður upp á kaffi og kleinur.
Staðsetning: https://ja.is/ithrotta-og-olympiusamband-islands/
Hér má lesa frumvarpið eins og það var lagt fram síðast: http://www.althingi.is/altext/141/s/0180.html