Karl Sigurðsson, formaður umhverfis- og samgönguráðs fór fyrir fríðum flokki hjólreiðafólks frá Ráðhúsi Reykjavíkur í dag. Hjólað var um borgina á staði þar sem gerðar hafa verið endurbætur til hagsbóta fyrir hjólreiðar í Eskihlíð, Hamrahlið og Skipholti, en á þessar götur hafa hjólavísar verið málaðir á götuna. Hjólatúrnum lauk í Laugardal þar sem nýr göngu- og hjólastígur var formlega opnaður.
Hjólatúrinn er liður í Samgönguviku sem nú stendur yfir en um er að ræða evrópskt átak um bættar samgöngur í borgum og bæjum. Markmið vikunnar er að hvetja fólk til umhugsunar um eigin ferðavenjur og virkja það til að nota almenningssamgöngur, hjóla eða ganga.Sjá nánar um samgönguviku á vef Reykjavíkurborgar
Nánari upplýsingar um framkvæmdina sjálfa má finna á upplýsingasíðum í Framkvæmdasjá:
• um stíg í Laugardal
• um hjólavísa í Hamrahlíð, Eskihlíð og Skipholti
Í umræddum fríða flokki hjólreiðamanna var einn af ljósmyndurum LHM sem myndaði ferðina í bak og fyrir þar sem hjólað um um borgina í haustlitunum. Kíkið á ferðalagið.