Safn frétta og greina úr ýmsum áttum sem tengjast hjólamenningu, hjólafólki og þeim útbúnaði sem það notar.

The Blue Lagoon Challenge 2014

Hafsteinn Ægir Geirsson og María Ögn Guðmundsdóttir sigruðu í The Bluelagoon Challenge 2014

Frábær stemning var í The Blue Lagoon Challenge fjallahjólakeppninni sem fór fram í dag í 19. skipti. Veðrið lék við keppendur á Suðurnesjum í dag en hjólað var frá Hafnar­f­irði um Krýsu­vík­ur­veg, inn Djúpa­vatns­leið, vest­ur Suður­strand­ar­veg og endað við Bláa lónið. Nýtt þátttakendamet var slegið er ríflega 600 keppendur fóru leiðina í dag sem er um 60 kílómetrar. Fjölmargir útlendingar lögðu leið sína til Íslands til að taka þátt í keppninni.

Aðstæður til keppni voru frábærar og lék veðrið við keppendur, hægur vindur og bjartviðri. Aðstæður í keppnisbrautinni voru góðar. Djúpavatnsleið var þó nokkuð grýtt á köflum en keppt var í rallý á veginum í morgun og reyndust sumar lausgrýttar brekkurnar mörgum keppendum erfiðar.

Keppnin gekk að langmestu leyti slysalaust fyrir sig þó var eitt viðbeinsbrot og nokkrir komu skrámaðir í mark.

Sigurvegari í karlaflokka var Hafsteinn Ægir Geirsson eftir harða baráttu við bræðurna Óskar og Ingvar Ómarssyni.
Í kvennaflokki sigraði María Ögn Guðmundsdóttir örugglega en Margrét Pálsdóttir og Kristrún Lilja Júlíusóttir böruðust um annað sætið, Margrét hafði betur.
Sú nýbreytni var í ár að halda keppnina síðdegis á laugardegi. Með því móti hafa keppendur Bláa lónið nánast útaf fyrir sig í lok keppninnar og myndaðist frábær stemning við verðlaunaafhendingu.

Nánari upplýsingar um keppnina á hfr.is og www.bluelagoonchallenge.com

The Blue Lagoon Challenge 2013

Veðrið var nokkuð gott í byrjun dags en þó var ljóst að einhver bleyta yrði á leiðinni og jafnvel rigning meðan á keppni stóð.
Strax við byrjun skráningar stefndi í góða mætingu og enn eitt árið var slegið þátttökumet, en 536 keppendur voru skráðir og þar með lang stærsta hjólamót sem haldið hefur verið á Íslandi.

Nánari upplýsingar um keppnina á hfr.is og www.bluelagoonchallenge.com

 

Blandaðu flandrið

Maður þarf ekkert að hætta að nota bílinn, bara hætta að nota hann alltaf - umhugsunarlaust.

Kynningarmyndband fyrir Evrópska samgönguviku um fjölbreytta ferðamáta.

 

Hjól í huga - Umferðaröryggisátak FÍB

Meginmarkmið átaksins Hjól í huga er að efla vitund ökumanna um hjólafólkið í umferðinni – hina óvörðu vegfarendur á reiðhjólum og vélhjólum. Nánari upplýsingar um umferðaröryggisátak FÍB: Hjól í huga

Myndbandir og átakið er endurgerð átaks bresku systursamtaka FÍB, The AA sem hét Now You See Me. Í Bretlandi er vinstri umferð og því ekki hægt að nota myndbandið óbreytt hér.

 

Hjólað á gangstígum

Heimilt er að hjóla á gangstígum en þó með þeim fyrirvara að hjólandi vegfaranda ber að veita gangandi forgang og sýna þeim tillitsemi. Hér er fjallað um hvernig hjólandi vegfarandi getur sem best tryggt öryggi sitt og gangandi á gangstígum.

Subcategories

Safn skemmtilegra frétta og greina sem tengjast eflingu hjólreiða, hvataverkefnum og fl.

Fréttir og greinar um tæki, tól og annan útbúnað.

Safn skemmtilegra frétta og greina sem tengjast  hjólafólki og þess sem það tekur upp á.

Nokkrar hugmyndir að hjólaferðum

Víða eru skemmtilegar hjólaleiðir um land allt. Tilvalið er að fara inn á heimasíður sveitarfélaga, ferðafélaga eða reiðhjólaklúbba og afla sér upplýsinga en hér eru nokkrar hugmyndir.
Safn af skemmtilegum myndböndum