Frá árinu 2002 hafa borgir og bæir á Íslandi tekið þátt í Evrópskri samgönguviku, samstilltu átaki sveitarfélaga í Evrópu um að ýta undir sjálfbærar samgöngur. 

Hún er haldin 16. – 22. september ár hvert. Markmið vikunnar er að kynna íbúum í þéttbýli samgöngumáta sem allt í senn eru vistvænir, hagkvæmir og bæta heilsu fólks um leið og þeir hafa jákvæð áhrif á umhverfi og andrúmsloft. Yfirskriftin árið 2021 er: Veljum grænu leiðina – fyrir umhverfið og heilsuna. 

 

Frekari upplýsingar um Evrópska samgönguviku á Íslandi má finna á Facebook-síðu vikunnar. Nánar má lesa um átakið á www.mobilityweek.eu. Merki á samfélagsmiðlum eru t.d. #MobilityWeek og #Samgönguvika. Viðburðir sveitarfélaganna í samgönguviku eru á heimasíðum þeirra. Bíllausi dagurinn er haldinn 22. september og þá verður frítt í strætó.

 

Landssamtök hjólreiðamanna ætla að standa fyrir viðburði í samgönguviku í samvinnu við Kópavogsbæ og Smáralind laugardaginn 18. september, sem er hjólaferð til að skoða aðstöðu fyrir hjólandi í Kópavogi. Þetta verður fyrsta ferðin í laugardagsferðum LHM í vetur. 

 

Við ætlum að hittast kl. 10:00 á Hálsatorgi í Hamraborg, sem er opna torgið milli bæjarskrifstofurnar og heilsugæslunnar. Þaðan leggjum við af stað kl. 10:15 og hjólum um Digraneshálsinn, Fossvogsdal, Kársnesið og meðfram Fífuhvammsvegi í Smáralind þar sem við skoðum glæsilega nýja hjólageymslu fyrir viðskiptavini. Þaðan verður farið í Kópavogsdal og aftur í Hamraborg. Ferðinni lýkur um kl. 13 við Hálsatorg. Það er allir velkomnir í ferðina á öllum farartækjum sem eru leyfð á stígum. Reiðhjól, rafhjól, rafskutlur, rafskútur o.s.frv.