Flokkur: Fréttir LHM

Ályktun Umferðarráðs 19. febrúar sl.

Samgönguráðherra, Kristján L. Möller hefur skipað nýtt Umferðarráð sem kom saman til síns fyrsta fundar 19. febrúar sl.

Umferðarráð sendir frá sér eftirfarandi ályktun:

Nú þegar hafa þrír einstaklingar látist það sem af er þessu ári í umferðarslysum. Það er óásættanlegt. Þrátt fyrir að fjöldi látinna í umferð hafi verið með lægsta móti á síðasta ári er full ástæða til að halda vöku sinni og slá hvergi af í baráttunni gegn umferðarslysum. Markmið okkar er að enginn látist í umferðarslysum og alvarlegum slysum í umferð fækki til muna. Bent er á í þessu sambandi að ekkert banaslys varð á sjó á síðasta ári hér við land, sem er afrakstur áralangrar baráttu fyrir öryggi sjómanna. Sama þróun hefur átt sér stað í flugi, en enginn hefur látið lífið í íslenskt skráðu loftfari á síðastliðnum átta árum. Það gefur okkur von um að slíkum árangri sé hægt að ná í umferðinni. Umferðarráð hvetur eindregið til þess að landsmenn allir og stjórnvöld stuðli að því að slík framtíðarsýn sé möguleg.

Flokkur: Fréttir LHM

Fundað um málafærsluvinnuna og fl.

Af fundi LHMStjórn LHM og fleiri funduðu í dag. Katrín Jónsdóttir talar hér um lobbýisma eða málafærsluvinnu eins og hún kýs að kalla það á íslensku og starf í félagasamtökum eins og okkar. Ýmsar nýjar hugmyndir kviknuðu hjá okkur sem vonandi nýstast okkur í framhaldinu. Sjá meira um fundinn hér.

Flokkur: Fréttir LHM

Bíllaus lífstíll - samgöngustefnum fyrirtækja veitt viðurkenning

stofnfundurEinn mikilvægasti viðburður samgönguvikunnar sem nú stendur yfir er kannski stofnun samtakanna um bíllausan lífstíl sem voru stofnuð 17. september í Ráðhúsi Reykjavíkur og mættu yfir hundrað manns á stofnfundinn. Við sama tækifæri veittu þau þremur aðilum viðurkenningar fyrir að setja sér samgöngustefnu og bjóða starfsfólki sínu hvata til að nota aðra samgöngukosti en einkabílinn.

Flokkur: Fréttir LHM

Stutt um Hjólafærni

Hjólafærni – hvað er nú það?  Hjólafærni er skilgreind sem hugmyndafræði, þjálfun og umferðarfræðsla fyrir alla sem stýra reiðhjólum, allt frá 7 ára aldri og uppúr.

Flokkur: Fréttir LHM

Hjólreiðabraut milli Reykjavíkur og Hveragerðis

Nú er mikilvægt að sem flest hjólreiðafólk sjái sér fært að mæta í klúbbús Fjallahjólaklúbbsins að Brekkustíg 2 n.k. fimmtudag 13. ágúst, kl. 20:00

Kynntar verða hugmyndir um fyrirhugaða hjólreiðabraut milli Reykjavikur og Hveragerðis í máli og myndum.Að ýmsu ber að hyggja og er mikilvægt að stjórn Landssamtaka hjólreiðamanna fái skýr skilaboð um hvað sé vilji hjólreiðafólks í þessum efnum. Verður farið yfir alla framkvæmdinar allt frá grófleika slitlags yfir í leiðarval. Á vef Línuhönnunar má lesa um tvöföldun Suðurlandsvegar .

Allir eru velkomnir. Hafið með ykkur gesti. Heitt verður á könnuni.

Kær kveðja, Stjórn Landssamtaka hjólreiðamanna

Flokkur: Fréttir LHM

Reglugerð um Vatnajökulsþjóðgarð

Landssamtök hjólreiðamanna og Íslenski fjallahjólaklúbburinn gerðu athugasemd við reglugerð um Vatnajökulsþjóðgarð. Sjá nánar.   Hjólreiðafólki er nú heimilt að hjóla á göngu- og reiðstígum en það getur verið geðþóttaákvörðun landvarða að banna hjólreiðar.  

Flokkur: Fréttir LHM

Ályktun LHM um Miklubraut og framkvæmdir

Stjórnarfundur Landssamtaka hjólreiðamanna, haldinn 3. júlí 2008 ályktaði : Mikilvægt er að leggja greiðar og fullgildar hjólreiðabrautir meðfram stofnbrautum á höfuðborgarsvæðinu, aðgreindar frá gangstéttum og akbrautum.