Safn fróðlegra eða athyglisverðra greina og frétta af netinu innlendis sem erlendis.

Flokkur: Íslenskt

13% borgarbúa vilja stuðning við bíllausan lífstíl

picture-351Þetta kemur fram í pistli eftir Gísla Martein í Fréttablaðinu  21/12 2010 sem má einnig lesa á blogginu hans.

Capacent spurði borgarbúa í október síðastliðnum hvaða þjónustu Reykjavíkurborg þyrfti helst að bæta. Það einstaka atriði sem flestir Reykvíkingar nefndu var að það þyrfti að bæta almenningssamgöngur, tæp 16%.

Flokkur: Íslenskt

Sjálfbær þróun - ný skýrsla

skipul_hovudborg-sjalfb_throun-samg-afangask_okt2010Á heimasíðu Vegagerðarinnar er nú að finna áfangaskýrsluna "Skipulag á höfuðborgarsvæðinu - sjálfbær þróun í samgöngum".  Skýrslan er unnin af þeim Hörpu Stefánsdóttir og Hildigunni Haraldsdóttir arkitektum faí.

Skýrsla þessi er annar hluti rannsóknarverkefnisins “Skipulag á höfuðborgarsvæðinu, sjálfbær þróun í samgöngum” sem styrkt er af Vegagerðinni og er unnin af teiknistofunum Arkitektúra og Hús og skipulag. Hún fjallar um samgöngur hjólreiðamanna og gangandi vegfarenda, en vorið 2010 birtist fyrsti hluti í skýrslu þar sem fjallað er um almenningssamgöngur. Verkefni þetta er hluti verkefnisins Betri borgarbragur, sem er rannsóknarverkefni um sjálfbærni í skipulagi. Það verkefni hlaut öndvegisstyrk frá tækniþróunarsjóði (RANNÍS) og að því standa Nýsköpunarmiðstöð Íslands og Háskóli Íslands og arkitektastofurnar Gláma-Kím, Tröð, Kanon, Ask, Hús og skipulag og Arkitektúra.

Flokkur: Íslenskt

Bílastæði kostar að lágmarki þrjúhundruð þúsund krónur

sigrún helga lundSigrún Helga Lund stærðfræðingur og stofnandi samtaka um bíllausan lífsstíl segir Íslendinga vana niðurgreiðslu á einkabílnum og því líti samfélagið oft framhjá kostnaðinum. „Klárlega er verið að niðurgreiða einkabílinn. Það er útlagður kostnaður og einhver þarf að borga hann. Hver bíll nýtir sér að lágmarki þrjú stæði í eigu annarra. Ef við metum kostnaðinn á hvert stæði sem 10.000 krónur en það er mjög hóflegt og mun minna en raunverulegur kostnaður þá er samfélagið að greiða 360.000 krónur árlega á hvern bíl.“

Flokkur: Íslenskt

Fleiri hjóla en áður í vinnu og skóla

rvk-hjolFærri nota nú einkabílinn til að fara til og frá vinnu og færri grunnskólabörn eru keyrð í skólann en árin 2009 og 2008. Reiðhjól eru aftur á móti á uppleið. Þetta kemur fram í árlegri ferðavenjukönnun sem Umhverfis- og samgöngusvið Reykjavíkurborgar lætur gera.

Flokkur: Íslenskt

Nagladekk á reiðhjól í hálkunni

mbl-101002Margur hjólreiðakappinn rann til í óvæntri hálkunni sem kom um daginn. Það getur verið verulega varasamt að hjóla í hálku og dæmi um að fólk beinbrotni illa við að detta á mikilli ferð á hjólum sínum. Raunin er líka sú að það er oftast miklu meiri hálka á hjólreiðastígum og gangbrautum heldur en á götunum þar sem bílarnir aka, einfaldlega vegna þess að þar er ekki borið salt í hálku. En það er engin ástæða til að leggja hjólinu og hætta að hjóla yfir vetrarmánuðina, því rétt eins og með bílana þá er hægt að kaupa nagladekk undir reiðhjólin. Þau fást í reiðhjólaverslunum. Örninn, GÁP, Markið og Everest selja nagladekk og þau er hægt að fá ýmist lítið negld eða mikið negld. Þau sem eru negld einvörðungu í köntunum kosta 6-7.000 krónur en þau sem eru mikið negld kosta um 10.000 kr stykkið. Sumir láta jafnvel duga að kaupa aðeins nagladekk að framan, en öruggast er auðvitað að hafa bæði dekkin negld.

Flokkur: Íslenskt

Fleiri fara gangandi og hjólandi en áður

mbl-504698Ferðamáti íbúa á höfuðborgarsvæðinu hefur breyst talsvert frá því fyrir efnahagshrun. Þannig hefur þeim fækkað sem nota yfirleitt einkabíl til sinna ferða og á sama tíma hefur þeim hlutfallslega fjölgað sem fara gangandi og hjólandi. Þetta kemur fram í niðurstöðum könnunar á ferðavenjum Íslendinga 2010 sem unnin var fyrir samgönguyfirvöld.

Flokkur: Íslenskt

Eyrnaskjól fyrir reiðhjólahjálma

img_4036Hver þekkir ekki vandamálið við húfu undir reiðhjólahjálmi. Ólöf Jónsdóttir kjólmeistari hefur leyst þann vanda með þessum eyrnaskjólum. Í eyrnaskjólunum er yfirleitt þæfð ull eða ullarblanda í ytra byrði og flís að innan og síðan er franskur rennilás innan í til að halda þessu saman. Skrautið eru ýmist perlur og steinar eða eitthvað annað skemmtilegt skraut.

Flokkur: Íslenskt

Græn heilræði fyrir heimili og fyrirtæki

Sunnudagurinn 10.10.10 er alþjóðabaráttudagur gegn loftslagsbreytingum af mannavöldum. Stofnanir, félög og áhugamenn leggja áherslu á grænar samgöngur þennan dag og ýmis önnur vistvæn ráð. Umhverfis- og samgöngusvið hefur af þessu tilefni birt græn heilræði á heimasíðu sinni.

‎Í Reykjavík hefst alþjóðadagurinn klukkan 14.00 á sunnudaginn með hjólreiðatúr frá Austurvelli og upp Hverfisgötu að Hlemmi. Þar verður m.a. boðið upp á stutta kynningu á Hjólafærni og einkaleiðsögn án endurgjalds.

Flokkur: Íslenskt

Kraftmikill áróður ósjálfráða fjölmiðla

pall_gudjonssonPáll Guðjónsson skrifar ítarlega grein um umfjöllun fjölmiðla vegna tilraunaverkefnis um hjólamerkingar á Hverfisgötu. Hann segir í grein sinni, sem birtist á vef Íslenska fjallahjólaklúbbsins „Það var margt jákvætt við þetta verkefni enda lýstu Landssamtök hjólreiðamanna yfir ánægu sinni með verkefnið. Það virðist þó alveg hafa farið frá hjá fréttamiðlunum [...]Þvert á móti komu hinar furðulegustu fréttir í fjölda fréttamiðla sem opinberuðu í besta falli mikla fáfræði og fordóma fjölmiðla eða kraftmikinn áróður í þágu einkabílisma hjá ósjálfráða fjölmiðlum. “

Flokkur: Íslenskt

Hverfisgata lífleg miðborgargata

img_60921„Strax á Menningarnótt kom í ljós að Hverfisgata hefur alla burði til að vera lífleg miðborgargata," segir Hans Heiðar Tryggvason arkitekt og verkefnisstjóri hjá Umhverfis- og samgöngusviði í tilefni þess að tilraun með hjólarein á götunni er lokið.

 

Flokkur: Íslenskt

Hjólað til stuðnings Axarvegi

mbl-100904Stríðsöxin verður ekki grafin fyrr en framkvæmdum lýkur á veginum á Öxi Styttir hringveginn um 71 kílómetra

Djúpivogur | Sveitarstjórnarmenn í Djúpavogshreppi hafa um árabil barist fyrir bættum samgöngum á svæðinu og á síðustu árum hefur heilsársvegur um Öxi verið helsta baráttumálið. Síðastliðið haust átti nýframkvæmd um Öxi að vera klár til útboðs samkvæmt loforðum frá samgönguyfirvöldum en þessu framfaramáli í samgöngum á Austurlandi hefur seinkað eins og öðrum framkvæmdum vegna fjármálakreppunnar.

Flokkur: Íslenskt

Keppt í hlaupum, hjólreiðum og kajakróðri í ævintýrahlaupinu

mbl-100907Keppendur í ævintýrakeppninni sem efnt verður til laugardaginn 2. október þurfa að hlaupa 10 km, hjóla 20 km og róa kajökum 5 km leið. Hlaupaleiðin er ekki merkt heldur er um svokallað rathlaup að ræða en þá reynir á kunnáttu keppenda í að lesa af korti og áttavita. Ekki er upplýst um keppnisleið, sem eykur enn á spennuna. Um liðakeppni er að ræða og eru fjórir í hverju liði.

Aðstandandi keppninnar, sem nefnist Októberspretturinn 2010, er Félag íslenskra ævintýrakeppna. Fyrirmyndin er frá útlöndum en þar taka keppnir frá 12 klukkustundum og upp í tíu daga.

Flokkur: Íslenskt

Annir á verkstæðum

frettabladid-100907aAnnir á reiðhjólaverkstæðum hafa aukist umtalsvert eða um allt að 40 prósent síðustu tvö árin. Þá hefur sala á aukabúnaði, svo sem nagladekkjum og töskum á bögglabera og öðru sem gefur til kynna aukna notkun reiðhjóla, stóraukist.

"Það sem við sjáum í sölu á varahlutum fyrir reiðhjól, sem snúa að sliti reiðhjóla, gefur óyggjandi vísbendingu um að fólk sé að nota hjólin sín meira sem samgöngutæki. Þannig hefur orðið gríðarleg aukning í sölu á þessum standard búnaði sem slitnar á reiðhjólum, tannhjólum og slíku, eða um 30-40 prósent aukning," segir Ragnar Ingólfsson, sölustjóri hjá Erninum. "Við sjáum þetta vel á verkstæðinu sem áður stóð ekki undir sér yfir vetrartímann en er nú fullt allan ársins hring." Mikið er einnig um að fólk sé að ná í gömlu hjólin sín að sögn Ragnars, hjól sem hafa staðið óhreyfð í bílskúrnum lengi og minna um að fólk fái sér nýtt hjól á hverju ári eins og algengt var fyrir hrun. "Enn frekari vísbending um auknar hjólreiðar í borginni er svo að salan í aukabúnaði, nagladekkjum, bögglaberatöskum og slíku, hefur aukist um 30-40 prósent á síðustu tveimur árum."

Flokkur: Íslenskt

Laugavegur göngugata á löngum laugardegi

Vegleg dagskrá verður í miðborg Reykjavíkur núna um helgina. Hverfahátíð Miðborgar og Hlíða verður haldin á Klambratúni með danssýningum, tónlistaratriðum, skottmarkaði og fleiru. Óvæntir gestir lögreglunnar koma í heimsókn í Hegningarhúsið á Skólavörðustíg og Brúðubíllinn sýnir leikritið Afmælisveislan í Bakarabrekkunni. Útimarkaðir og tónlistaratriði verða á Lækjartorgi og Hljómalindarreit. 
Flokkur: Íslenskt

Fjallahjólabraut í Kjarnaskógi vígð

fjallahjolabraut_i_kjarnaskogiFjallahjólreiðar er vaxandi íþrótt á Íslandi og er nú komið að því að vígja fyrstu sérhönnuðu fjallahjólabraut landsins en hún er í Kjarnaskógi við Akureyri. Á laugardaginn verður brautin vígð formlega og í kjölfarið verður leiðsögn um spennandi og krefjandi fjallahjólaleiðir. Vígslan fer fram við snyrtihúsið Kjarnakot kl. 10.00.

Flokkur: Íslenskt

Suðurgata tekur grænum breytingum

nemahjolandiSuðurgata verður einstefnugata fyrir akandi umferð til suðurs frá Kirkjugarðsstíg að Skothúsvegi en tvístefnugata fyrir hjólandi umferð. Þetta var samþykkti í umhverfis- og samgönguráði í vikunni. „Við vonum að þessi breyting bæti aðstæður fyrir gangandi, hjólandi og almenningssamgöngur,“ segir Karl Sigurðsson formaður ráðsins og að einnig muni um leið draga úr umferðarhraða og hávaða.

Umhverfis- og samgöngusviði var falið að útfæra tillöguna með þeim orðum að hefta ekki gangandi umferð. Hjólandi umferð mun fara af gangstéttum yfir á götuna og veita gangandi um leið betra rými. Gatan er þröng um þessar mundir og vandasöm fyrir strætisvagna. Akstur stórra bifreiða er nú þegar bönnuð til norðurs.  30 km hámarkshraði er á þessum kafla Suðurgötunnar.

Flokkur: Íslenskt

Ég á!

Hjólarein á HverfisgötuFyrir um viku síðan var lögð hjólarein á Hverfisgötuna. Í þeim tilgangi þurfti að fjarlægja um fjörutíu bílastæði í eigu borgarinnar úr syðri vegkantinum og mála þar græna rönd með hjólamerki. Á norðurakreininni voru málaðir nokkrir svokallaðir hjólavísar en það eru merki sem eiga að minna ökumenn á að þeir deili götunni með hjólreiðamönnum.

Með þessari einföldu og ódýru aðgerð tókst að breyta fremur óhjólavænni umferðargötu í fremur hjólavæna. Þetta sýnir raunar hve litla fyrirhöfn og lítinn kostnað þarf stundum til að laga samgönguæðar gangandi og hjólandi vegfarenda. Ef það væri nú bara jafnódýrt og -fljótlegt að mála sér eins og eina Sundabraut, tvöföldun Suðurlandsvegar eða ný mislæg gatnamót. Mikið væri lífið þá ljúft!

Flokkur: Íslenskt

Stígur frá Bolungarvík í Engidal

BolungarvíkurgöngÍ haust munu 20 kílómetra langir göngu- og hjólastígar tengja Bolungarvík við Engidal í Skutulsfirði.

Framkvæmdum við Óshlíðargöng lýkur brátt og þá mun gamli Óshlíðarvegurinn verða griðland göngugarpa og hjólreiðafólks. Nú standa einnig yfir framkvæmdir við göngustíg milli Hnífsdals og Ísafjarðar og lýkur þeim í næsta mánuði. Þá mun því liggja göngustígur frá Bolungarvík inn í Hnífsdal, þaðan inn á Ísafjörð, inn í Holtahverfi og alla leið inn í Engidal, því vegurinn inn í Engidal er lítið ekinn eftir að fjörðurinn var þveraður fyrir fjórtán árum síðan. Göngustígurinn er því 20 kílómetrar með tiltölulega fáum götum sem fara þarf yfir. Útivistarfólk á Vestfjörðum fagnar þessu.

Flokkur: Íslenskt

Hjólreiðamenn verða að vera sýnilegir

mbl-100817bReiðhjól hafa sama rétt á götum og bílar og ber hjólreiðafólki því að fylgja sömu umferðarreglum. Þeir Einar Magnús Magnússon og Árni Davíðsson þekkja þær vel.

Reiðhjólið nýtur vaxandi vinsælda sem fararskjóti og fer þeim sífellt fjölgandi sem hjóla í og úr vinnu eða nýta sér þennan vist- og heilsuvæna ferðamáta til annarra ferða. Margir bætast t.a.m. í raðir hjólreiðamanna þegar Átakið hjólað í vinnuna stendur yfir og hefur þátttakendum fjölgað ár frá ári sl. sjö ár. Nú síðast tóku 9.411 manns þátt og halda margir þeirra áfram að hjóla, a.m.k. yfir sumartímann, þegar þeir eru einu sinni komnir af stað.

Flokkur: Íslenskt

Hjólarein á Hverfisgötu

Starfsmenn Reykjavíkurborgar vinna nú að uppsetningu tímabundinnar hjólareinar á Hverfisgötu sem tekinn verður í notkun föstudaginn 20. ágúst. Umhverfis- og samgönguráð samþykkti á fundi sínum í síðustu viku að hleypa þessu tilraunaverkefni af stað til að efla mannlíf í miðborginni og hvetja til aukinna hjólreiða.

Subcategories

Fréttir, umfjöllun, rannsóknir og fl. tengt  málefnum  hjólandi fólks.

Greinar og fréttir tengdar samgöngumálum í víðasta skilningi

Íslenskar fréttir og greinar úr ýmsum áttum.